"விவசாயிகளுக்கு தட்கல் முறையில் 11 ஆயிரம் மின் இணைப்புகள் வழங்கப்படும்" - சட்டப்பேரவையில் அமைச்சர் தங்கமணி தகவல்
ஜூலை 02,
தமிழகத்தில் இந்த ஆண்டு விவசாயிகளுக்கு 11 ஆயிரம் மின் இணைப்புகள் தட்கல் மூலம் வழங்கப்படும் என மின்துறை அமைச்சர் தங்கமணி தெரிவித்துள்ளார்.
சட்டப்பேரவையில் இன்று பேசிய திமுக எம்.எல்.ஏ. ராஜா, தனது தாம்பரம் தொகுதிக்குட்பட்ட கணபதிபுரம், அசோக்நகர் பகுதிகளில் மின்மாற்றிகள் அமைக்கப்படுமா? என கேள்வி எழுப்பினார். அதற்கு பதிலளித்து பேசிய மின்துறை அமைச்சர் தங்கமணி, தாம்பரம் பகுதியில் ஏற்கனவே தேர்வு செய்யப்பட்ட இடங்களில் மின்மாற்றிகள் அமைக்க பொதுமக்கள் எதிர்ப்பு தெரிவிப்பதாகவும், மாற்று இடங்கள் தேடப்பட்டு வருவதாகவும் கூறினார். சட்டமன்ற உறுப்பினர் ராஜா இடம் தேர்வு செய்து கொடுத்தால் உடனடியாக மின்மாற்றி அமைக்கப்படும் என்றும் அவர் கூறினார்.
பின்னர் பேசிய திமுக உறுப்பினர் எம்.ஆர்.கே. பன்னீர்செல்வம், விவசாயிகளுக்கு தட்கல் முறையில் மின் இணைப்பு வழங்கும் திட்டம் நடைமுறையில் உள்ளதா? என்று துணை கேள்வி எழுப்பினார். அதற்கு பதிலளித்த அமைச்சர் தங்கமணி, கடந்த 2 ஆண்டுகளில் 19 ஆயிரம் மின் இணைப்புகள் விவசாயிகளுக்கு வழங்கப்பட்டுள்ளதாக தெரிவித்தார். இந்த ஆண்டு 11 ஆயிரம் மின் இணைப்புகள் விவசாயிகளுக்கு தட்கல் முறையில் வழங்கப்படும் என்றும் அமைச்சர் தங்கமணி கூறினார்.
தொழிற்சாலைகளுக்கு புதிய மின் இணைப்பு: இணையதளத்தில் விண்ணப்பிக்கலாம். இணைதளத்தில் பதிவு செய்யப்படாத விண்ணப்பங்கள் பரிசீலனைக்கு எடுத்துக் கொள்ளப்படமாட்டாது தினமலர் செய்தி
திருப்பூர்:'தொழிற்சாலைக்கு புதிய மின் இணைப்பு பெற விரும்புவோர், மின் வாரிய இணையதளத்தில் விண்ணப்பிக்கலாம்' என தெரிவிக்கப்பட்டுள்ளது.புதிய தொழிற்சாலைகளுக்கான மின் இணைப்பு பெற, மின் வாரிய அலுவலகங்களில் விண்ணப்பிக்க வேண்டும். அதற்கு, சில பொறியாளர்கள், 'ஆதாயம்' எதிர்பார்க்கின்றனர்.தர மறுத்தால், குறித்த காலத்தில் மின் இணைப்பு வழங்காமல், அலைக்கழிப்பு செய்கின்றனர்.
இதனால், பலர் பாதிக்கப்படுகின்றனர்.கடந்த, 2016ல், மின் வாரியத்தால், வீடுகளுக்கு, இணையதளத்தில் விண்ணப்பிக்கும் திட்டம் நடைமுறைப்படுத்தப்பட்டது. தற்போது, புதிய தொழிற்சாலை மின் இணைப்புக்கும், இணையதளத்தில் விண்ணப்பிக்கும் முறை வரும், ஜூலை, 1ம் தேதி முதல் செயல்பாட்டுக்கு கொண்டுவரப்படவுள்ளது.இதனால், கர்வோரை அலைக்கழிக்க முடியாது. தாமதம் எங்கு ஏற்படுகிறது என்பதை, கம்ப்யூட்டர் மூலம் துல்லியமாக கண்டறிந்து, அதற்கு காரணமானவர் மீது, நடவடிக்கையும் எடுக்க முடியும்.இது குறித்து, திருப்பூர் மின் பகிர்மான வட்ட மேற்பார்வை பொறியாளர் சண்முகம் அறிக்கை ஒன்றையும் வெளியிட்டுள்ளார் அதில், 'புதிய தொழிற்சாலை மின் இணைப்பு விண்ணப்பங்களை, www.tangedco.gov.in என்ற இணையதளத்தின் வாயிலாக விண்ணப்பிக்கலாம். இதற்கான நடைமுறை, ஜூலை ஒன்றாம் தேதி முதல் நடைமுறைக்கு கொண்டுவரப்படவுள்ளது. எனவே, விண்ணப்பத்துடன் ஆவணங்களும் இணையதளத்திலேயே பதிவேற்றம் செய்யப்பட வேண்டும். இணைதளத்தில் பதிவு செய்யப்படாத விண்ணப்பங்கள் பரிசீலனைக்கு எடுத்துக் கொள்ளப்படமாட்டாது' என, தெரிவிக்கப்பட்டுள்ளது.
Subscribe to:
Posts (Atom)
மீட்டர் பழுதான காலத்திற்கான மின் நுகர்வு கணக்கீடு ( Regulation 11(2) & 11(5) )
மீட்டர் பழுதான காலத்திற்கான மின் நுகர்வு கணக்கீடு TNERC Supply Code – Regulation 11(2) & 11(5) 📌 Regulation 11(2) மீட்டர் பழுதாகி...
